المســـــــــيح قــــــــــام  ??   منتديات الانبا كاراس

 أسود بيجأزرق داكنرصاصيأزرق مخضرأزرقأخضرأحمر

منتديات الانبا كاراس  ??  بالحقيقــــــــــــة قــــــــــام

لوحة التحكم  منتديات افا كاراس  الكتاب المقدس شات الانبا كاراس للشباب المسيحي  مجلة الانبا كاراس  سماع ترانيم مسيحية مباشرة  القنوات المسيحية تليفزيون الانبا كاراس  صفحة الانبا كاراس على الفيس بوك  التسجيل

++  مجموعـــة خدمـــات منتديــــات الانبــا كـــاراس الســائــح صــديــق المــلائــكــة ++

اكبر مكتبة تـرانـيـم

تفسير الانجيل

الانجيل مسمـوع

الانجيل الالكتروني

السنكسار اليومي

القنوات المسيحية

اكبر شات مسيحي

المجـــلــة

ترانيم مباشرة

الافلام المسيحية

مركز رفع الملفات

حياة الانبا كاراس

اكبر مكتبـة عظـــات

الالحان والتسابيح

الاديرة والرهبنة

تعليم اللغة القبطية

الاخبار المسيحية

شات الانبا كاراس

53 خبــر عـاجــــــل 53 

53 احـدث الترانيـم mp3 الحصـرى 53

 ††† منتـديـات افـا كــاراس منتـديـات التميـز والانفـرادات نحـن نبـدع والأخـرون يقـلـدون †††


العودة   منتديات افا كاراس » الكنيســـــــــة والقديسيـــــــــن » منتدي نصوص مسرحيات مسيحية


`·.¸¸.·´´¯`··._.·`°•.†.•°(اعـلانــات منتـديــات الانبـا كــاراس)°•.†.•°`·.¸¸.·´´¯`··._.·`

مجلة الانبا كـاراس السائح

http://i60.servimg.com/u/f60/13/40/80/73/untitl10.gif


إضافة رد
نسخ الرابط
نسخ للمنتديات
 
أدوات الموضوع انواع عرض الموضوع
قديم 08-05-2010, 01:30 AM   المشاركة رقم: 1
المعلومات
الكاتب:
سامح كاراس
اللقب:
رمز المجموعة:
الصورة الرمزية
 
الصورة الرمزية سامح كاراس

البيانات
التسجيل: Nov 2009
العضوية: 1
الدولة: حضن الانبا كاراس
كلمة جميلة: لا نحب بالكلام و لا باللسان بل بالعمل و الحق
المشاركات: 14,184
بمعدل : 8.09 يوميا

الإتصالات
الحالة:
سامح كاراس غير متواجد حالياً

المنتدى : منتدي نصوص مسرحيات مسيحية
نص مسرح عرائس جميل جداااا ( مسرحية فلفل )

فلفل: ولد يرتدي في معظم الأحيان ملابس غير متناسقة ويمكن أن تكون مضحكة أحيانا . شخصية مندفعة ولكنة طيب القلب يحب الآخرين ويريد أن يكون محبوبا .

بندقة: أخت فلفل وهي الأخت الأصغر، تتميز بالرزانة والهدوء .

زلطة: يرتدي ملابس ضيقة إلى حد ما رغم انة ممتليء الجسم . أكثر ما يميزه أنة يعشق الاكل طيب القلب وان كان أحيانا يتباهى بضخامتة رغم أنة يتمنى أن يصبح يوما اقل وزناً .
عصعص: يرتدي ملابس فضفاضة رغم انة يتميز بالنحافة وهو يعتبرها مشكلة .
هادي: طالب جديد وهو ابن مدير المدرسة . شخص هادي الطباع ومحب للآخرين ومجتهد في دراستة .
الأب : والد فلفل وبندقة وهو شخص مرح يحب أولادة و بيته جدا ويخلص في عملة .
ألام : والدة فلفل وبندقة وهي ذات شخصية هادئة ومحبة ومضحية .
الأستاذ سامح: أستاذ مدارس الأحد وأستاذ المدرسة وهو من يقوم في معظم الأحيان بتوجيه الأولاد نحو السلوك الذي يليق بأولاد الله .
هاني : ابن الأستاذ سامح .







الفصل الأول




.. مش مهم اسمي ، المهم شخصي ..


( يفتح الستار على بيت فلفل؛ والأم جالسة تؤدي أي عمل من الأعمال المنزلية )

ألام : يا فلفل .. يا فلفل .. أنت يا فلفل ؟!



( يدخل فلفل مرتديا جاكت بيجامة شتوية وشورت ونظارة )

الأم : ( في ضيق ) أنت مش سامعني ؟
فلفل: سامعك يا امي ، لكن !
الأم : لكن اية يا ابني ؟ وبعدين اية اللي لابسة دة يا ؟ لابس جاكيت بكُم ؟
فلفل : اصلي بردان قوي قوي ، بتكتك بتكتك . !
الأم : طب والشورت اللي لابسة من تحت ، لية بقى ؟
فلفل: اصلي حران قوي قوي ومش طايق هدومي .
الأم: صحيح اللي سماك فلفل ، ما هو من عمايلك دي .
فلفل : اه ، صحيح افتكرت ، من هنا ورايح مسميش فلفل ، لكن أي اسم تاني . وسيبك من اللي انا لابسة وخلينا في الموضوع بتاع الاسم دة .
ألام: انت هتغير اسمك ولا اية ؟!
فلفل : ايوه احنا سيبنا اسكندرية علشان الكلمة دي وادينا جينا القاهرة ، ومن هنا ورايح سميني أي اسم تاني غير فلفل ، ممكن ؟
الأم : الواد اتجنن ، واحد اسمة فلفل . أغير اسمة لاية بس؟!
فلفل : أي اسم تاني والسلام !
الأم : فلفل يغير اسمة لل .. القوطة مثلا ؟ ولا اقولك ل .. للمون . اية رايك بقى؟
فلفل : ( في نبرة تذمر ) من فلفل للمون ؟! يا ربي . مفيش اشرف . شريف . تامر . سامر . وائل ؟ أي حاجة يا امي أي حاجة . انا زهقت من تريقة الناس علىّ وعلى اسمي ؛
الأم : خلاص يبقى سمك اشرف اية رايك بقى ؟
فلفل : ممتاز ! اشرف اشرف ميضرش ، المهم يبعد عن فلفل وخلاص ، ومن هنا ورايح اشرف مش فلفل ها ؟ ماتنسيش يا امي ، اشرف مش فلفل . ولما بابا يجي هانقولة على اسمي الجديد . هو لسة مجاش ولا اية ؟
الأم : زمانة جاي ما حكم ابوك دايما بيجي على الريحة ( مستدركة ) قصدي على السيرة ، هتلاقية بيخبط على الباب دلوقتي .



( طرقات باب )

فلفل : انا رايح افتح الباب .
ألام : دا ابوك يافلفل . قصدي يا اشرف . ( للجمهور ) مش قولتلكم بيجي على السيرة
الأب : ازيك يافلفل يا حبيبي عامل اية . ازيك يا ام فلفل ؟
الأم : أنت جيت يا ابو اشرف حمد الله على السلامة .
الأب : ( باستغراب ) اشرف ؟! مين اشرف ده يا فلفل؟ أنا عندي ابن غيرك أسمة اشرف ؟
فلفل : انا يا بابا اشرف . انت ليك ابن واحد واسمة اشرف .
الأب : وتضحك عليا كل المدة دي يا فلفل . قصدي يا اشرف ؟
الأم : وهو يعملك اية اذا كان كل أصحابة بيتريقة علية؟
الأب : يعني عايز تغير اسمك وأنا اللي كنت عاملك مفاجئة !
فلفل : مفاجأة ايه يا بابا ؟
الأب : كنت جايبلك شوية قوطة ناشفة وخيار وتقعد بقى يا حلو وتعمل سلطة ذي ما أنت عايز ، وأنت تقولي اشرف ! اشرف اية بس ؟ اشرف يعرف يعمل سلطة برضة ؟ دة فلفل هو اللي محلي الحياة ومخلي لطعمها شطة كدة وبتاع ؟ !
فلفل : بس يا بابا أنا لازم أغير اسمي لأي اسم ثاني واختارة أنت برضة .
الأب : طبعا مستحيل اني اوافق على كدة وانا قولت كدة قبل كدة .
الأم : لية بس يا ابو فلفل . قصدي اشرف ، معلش يا فلفل . يوة قصدي يا اشرف .
الأب : اولا لان تيتا وصيتني اني اسمي ابني الكبير على اسم جدو اللي هو بابي ( في غرور ) .
الجميع : ايه !
الاب : بابي يعني ابويا . دا اولا .
الجميع : طب وثانيا؟
الاب : انا مميز في كل حتة ارُحلها كل الناس تعرفني في اقل من دقيقة باسم ابو فلفل . ورابعا ..
فلفل : ( مقاطعا ) قصدك ثالثا يا بابا
الاب : ( متجاهلا ) انا الاب واعرف اكتر منك . خامسا متكلمنيش في الموضوع دة تاني يافلفل . قال اشرف قال ! انا رايح انام شوية ومش عايز كلام في الموضوع دة تاني يا فلفل يا احلى فلفل رومي في الدنيا ، وبعدين انت فاكهة أي بيت مفيهوش فلفل يا فلفل هاهاها . حد برضة يستعر من اسم جدة حبيبة .
فلفل : بس يا بابا انا استحملت تريقة الناس ، وانا في اسكندرية . لكن يابابا ..
الاب : ( مقاطعا ) هو انت شفت اية بس ؟ دا جدك استحمل لحد دلوقت ، وانت مش قادر تستحمل برضه ! وبعدين اية يعني ما انا بقى مبسوط لما الناس تقولي يا ابو فلفل ؟ انا اشتكتلك ؟
فلفل : لكن ..
الاب : ( مقاطعا ) مالكنش . انتهينا . موضوع وانتهى .




( يخرج الاب )

فلفل : عاجبك الكلام دة يا ماما . بابا مش راضي اني اغير اسمي .
الام : انا زمان قولتلة الكلام دة ، لكن هو قال انها وصية تيتا .
فلفل : ( بحزن ) خلاص فلفل فلفل ، واية يعني ! مش هتصاحب على حد خالص ! طب اشمعنى اختي بندقة اسمها جميل قوي وكل الناس بتحب تصاحبها علشان اسمها، لكن مين اللي يصاحب واحد اسمة فلفل؟
الام : كتير قوي يا فلفل بس ادي الناس فرصة تعرفك على حقيقتك بعيد عن اسمك، مع ان اسمك مميز قوي . بس ادي نفسك فرصة تتعرف على الناس .




( طرقات الباب )

الام : شوف مين على الباب ؟! يا يا اشرف ( وهي مبتسمة )
فلفل : ايوة كدة يا ماما يا حبيبتي، يا احلى ام في الدنيا .
الام : ( بصوت منخفض ) يا فلفل ! ومالة بس فلفل؟ فلفل فلفل بس يعيش .




( يدخل الاستاذ سامح وابنة هاني )

سامح : اهلا وسهلا بيكم في بيتكم الجديد . انا استاذ سامح جاركم وجيت انا وابني علشان نرحب بيكم في بيتنا ونتعرف عليكم وندعيكم للكنيسة بتاعتنا .
الام : اهلا بيكم شرفتونا . ثانية واحدة ننادي جوزي يوسف .. روح يا .. ونادي بابا .
فلفل : حاضر يا ماما هوا .
سامح : لحسن يكون نايم ولا حاجة، نيجي في وقت تاني، احنا اسفين على القلق دة !
الام : لا اسف ولا حاجة انتوا نورتونا .



( يدخل الاب )

الاب : اهلا بيكم . اهلا وسهلا بجيرانا الحلوين .
سامح : انا استاذ سامح مدرس في مدرسة النور ومدرس في الكنيسة في مدارس الاحد . ودا ابني هاني .
الاب : وانا يوسف محاسب في البنك الوطني ودي المدام، ( ينظر الى فلفل ) ابني ( بصوت منخفض ) فلفل .
فلفل : ( محاولا تغيير الموضوع ) ويا ترى الكنيسة قريبة من هنا يا استاذ سامح؟ انا سمعتك وانت بتقول ان حضرتك مدرس في مدارس الاحد في الكنيسة .
سامح : قريبة ولا مش قريبة المهم نروح الكنيسة حتى لو في اخر الدنيا .
الاب : طبعا طبعا، ودا كل ما يطول المشوار اللي بنمشية ربنا يباركنا اكتر واكتر، ولا اية يا استاذ سامح ؟
سامح : دا كلام اكيد مفيهوش نقاش ابداً .
هاني : انا اسمي هاني وانت اسمك اية؟
فلفل : ( متجاهلا ) وياترى الكنيسة دي ذي الكنيسة اللي في اسكندرية ؟
سامح : كل كنايس ربنا واحدة طول ما هي بتتكلم عن ربنا .
هاني : طبعا مع اني مرحتش اسكندرية ابدا، لكن كلام ربنا واحد . وفي الكنيسة عندنا ترانيم جميلة ومسابقات وحفلات . بس انت ماقولتليش اسمك اية ؟
فلفل : ياة ! فيها كل الحاجات دي ، دا انا لازم اروح !
سامح : واكتر واكتر، بس انت ماقولتليش اسمك اية علشان اضمك للفصل بتاعي واكتب اسمك في النشاط الصيفي ؟
فلفل : عارف يا هاني؟ يا هاني .. يا هاني ( وينظر لابية وامة )
هاني : انا سامعك يا يا .. هو انت اسمك اية؟
الاب : فلفل فلفل فلفل ههههه ( وهو ينظر الى فلفل )
سامح وهاني : ايه !
الام : اش .. فلفل .
سامح : روح بسرعة يا هاني وهات من عند ماما فلفل .
هاني : هو من اول يوم كدة على طول . النهاردة فلفل وبكرة دقيق وبعدة فطير . ما هي ناقصة .
الاب : انتوا فهمتونا غلط كل الناس عندها نوع فلفل واحد احنا عندنا اتنين فلفل: واحد في المطبخ والتاني اهو ( وهو يشير الى فلفل )
هاني : اسمك فلفل ؟ هاهاها
فلفل : ايوة فلفل فلفل ، واية يعني ؟!
هاني : طب بعد ازنكم ثواني .
سامح : اية رايح فين يا ابني بس ؟
هاني : رايح اجيب شوية برطمانات علشان نساعد ماما شوية لانها طلبت مني شوية فلفل . بس هو انت فلفل احمر ولا رومي ؟
الاب : لا فلفل مخلل .



( يضحك الجميع )

فلفل : مش قولتلك ياسي بابا ،كل الناس بتتريق على اسمي عكس اختي بندقة كل الناس بتحبها .
سامح : انت ليك كمان اخت اسمها بندقة ؟
فلفل : ايوة .
هاني : طيب وهي فين علشان نتعرف عليها، دا اسمها جميل قوي ، بندقة مش فلفل!
فلفل : سامع يا بابا اسمي محدش بيحبة، فيه حد في الدنيا يصاجب حد اسمة فلفل ؟!
الاب : الواحد بشخصيتة يا استاذ فلفل ، ولا اية يا استاذ سامح قولة حاجة ؟
سامح : بص يا فلفل ياابي انا هقولة حاجة بسيطة . انت فية حد من اصحابك كان تخين شوية .
فلفل : ( متذكرا ) ايوة كان ليّ واحد صاحبي كان تخين قوي .
سامح : طب والتخين دة الناس تقولة اية ؟
الجميع : يا تختخ ..
سامح : ولو الواحد رفيع الناس تقولة اية ؟!
الجميع : يا عصعص ..
سامح : ولو فية واحد طويل ؟!
الجميع : يا زرافة ..
سامح : ولو قصير الناس تقولة اية ؟
الجميع : ياقزعة .
سامح : بص يا فلفل انت مهما كنت متقدرش ترضي الناس كلها، لكن من الناس اللي بتقابلها ناس بتحبك وناس تانية مش بتحبك فالناس اللي بتحبك دي بتحبك علشان اية ؟!
فلفل : مش عارف .
سامح : مش علشان اسمك حلو او وحش، لكن بتحبك علشان الحاجات الحلوة اللي في شخصيتك .
فلفل : زي اية الحاجات دي يعني ؟
سامح : ادبك .. سلوكك .. في كنيستك في الشارع في البيت في مدرستك .. كمان شطرتك والتزامك .. لكن مستحيل تلاقي واحد بيحب واحد علشان اسمة حلو .
الام: واقولك على حاجة يا فلفل، ممكن تلاقي الاسم عكس طبع الشخص .
هاني : ايوة صحيح، انا كان ليا واحد صاحبي اسمة خير، وهو عمره ما يعمل أي حاجة فيها خير ابداًَ . وواحد تاني اسمة مودي شقاوة وهو اهدى واحد ممكن تقابلة في حياتك .
سامح : خلاصة الموضوع يا فلفل: ارضى عن نفسك زي ما انت ، مش مهم اسمك اية ولا لونك اية، ابيض احمر ولا حتى اسمر مش مهم . المهم ادي نفسك فرصة تتعامل مع اصحابك زي ما انت من غير تجميل او تذويق . حب الناس واخلص في حبك تلاقي كل الناس تحبك يا فلفل . وعلشان تحب الناس لازم تتعلم الحب من منبع الحب اللي هو ربنا .
الجميع : اتعلمت يا فلفل ؟
فلفل : اتعلمت
الجميع : فهمت يا فلفل ؟
فلفل : فهمت .
الجميع : والدرس اية يا فلفل ؟
فلفل : فلفل فلفل واية يعني، مش مهم شكلي او حتى اسمي، المهم احب الناس واخلص في حبي .
الجميع : حرمت يا فلفل؟
فلفل : حرمت .
الجميع : وبكرة يا فلفل؟
فلفل : بكرة بقى فلفل جديد، وهو فلفل الموقعاتي . اوعى مقالب فلفل .. !
الجميع : لوني واسمي وشكلي كله ملكك ربي ..





( انتهى )










الفصل الثاني




.. ! الاسد احتاج الفأر ! ..





( يفتح الستار على مشهد الفصل المدرسي وبه شجار ساخن




بين زلطة و عصعص و فلفل الموقعاتي )

يجب ان تكون جميع حركات الضرب وهمية ومدروسة كما يجب التدرب على ادائها اكثر من مرة

زلطة : خد يا عصعص علشان تبطل تقولي يا تخين يا فيل يا ابو كرش كبيير ومطلع اشاعة اني مخلص الفطير .
عصعص : حد يشيلة من فوقي احسن اموتة انا هعورة خالص . اة يا دماغي اة يا جسمي، حد يحوشني احسن اتهور علية . انا لازم اعورة، لازم ابطحة اديلة بالروسية في بطنة
فلفل : اديلة يا زلطة علشان يحرم . عاييزين دم . قولوا يا رجالة ( للجمهور ) .
عصعص : كل دة كرش ها ها ها .
فلفل : فين الحماس؟ فين القوة ؟ يلا يا عصعص . اديلة يا تختخ ورونا القوة يلا انت وهو .
زلطة : انا مش هسيبة انا لازم اعمل زي الفتوة المفتري اللي شفتة في الفيلم بتاع امبارح خد الشلوط دة في مناخيرك .
عصعص : اة يا مناخيري ياني، اية الشلوط دة، دي رجل كرسي مش رجل بني ادم .
زلطة : ها ها ها خد البلحة دي وقولي بقى رايك في طعمها؟
عصعص : اة دي وحشة قوي .
زلطة : طب خد الروسية دي من الفتوة .
عصعص : هو انا حملك يا زلطة يا ابو كرش كبير .
زلطة : طب خد الكوع دة كمان علشان كلامك .
فلفل : علشان تحرم يا عصعص تقول لزلطة يا فيل، وبعدين زلطة راسة عاملة زي البلاطة؟ دة كلام تقولة برضة؟ دا زلطة رفيع ومسلوع ومش بيفهم ، ومخة زي راسة .
زلطة : مسلوع يافلفل يا موقعاتي! طب خد الكوع ده .
فلفل : ( وهو يقع على الارض ) أي يا مفتري ، انا مش قصدي .
زلطة : ( يضربة بقبضة يدة ضربة وهمية ) طب خد دي كمان علشان تعرف تكلم المعلم بتاع الفصل .
فلفل : أي كل دي ايد ، دي عاملة زي المرزبة ( وهو يقع على الارض )
عصعص : علشان تبطل توقع .



( ثم يضرب فلفل مرة اخرى )

فلفل : دا ذنب اللي يحوش، دا اللي داخل بين البصلة وقشرتها ( وهو يقع على الارض )



( في هذه يدخل هادي التلميذ الجديد )

هادي : صباح الخير يا رجالة انا ها .. !
فلفل : مين ده ؟ دا باين علية التلميذ اللي قالوا علية .
زلطة : انت مين ياه ( وهو يضرب فلفل )
هادي : انا .. انا ..
عصعص : ( مقاطعا ) انت نسيت اسمك ولا اية؟ انت لسة شفت حاجة .
زلطة : هجوم يا رجالة علشان يعرف مين الفتوة بتاع الفصل .



( يجري الجميع وراء هادي التلميذ الجديد فيجري في الاتجاة الاخر )

الجميع : انت مين . ؟
هادي : انا .. أنا ..
فلفل : اديلة أي حاجة تفكرة .
زلطة : طب خد دي علشان تفتكر ( وهو يضربة بكوعة ضربة وهمية )
هادي : اه اه ، لا إلا بطني انا لسة عامل عملية فيها .
فلفل : دا عايز يخوفك يا زلطة .
زلطة : يخوفني انا ؟ هو مش غارف انا ابقى مين؟
هادي : لا صدقني، انا فعلا كنت عامل عملية في بطني، ولسة فاكك الخياطة امبارح بس .
عصعص : طيب بلاش بطنك ، اديلك بلحة علشان نفسك تتفتح
فلفل : ايوة مفيش غير البلح الي يفتح نفسة .
هادي : شكرا مش عاوز ، اصل سناني وجعاني وضرسي مسوس .



( يضحك الجميع )




يبقى مبتغسلش سنانك بسيجنال تو .

زلطة : البلحة دي مش للاكل دي للنسيان، خد من الفتوة زلطة .
هادي : ( يصرخ ) اه اها يا دماغي . انا بالتأكيد اتعورت . اه حد يناديلي على الدكتور، انا بخر دم الحقوني الحقوني ( يمسك بمنديل به ميكروكروم )
زلطة : دا اتعور بجد . دا دماغة اتفتحت .
فلفل : واحنا مالنا ! ( لهادي ) انت معانا ولا مع الناس التانيين؟
هادي : ( وهو خائف ) ماعكم طبعا .
عصعص : احنا بقى الناس التانيين .



( يضحك اجميع )




وفي هذة الاثناء يدخل الاستاذ سامح والتلاميذ يجلسون على الكراسي بسرعة

الجميع: ( لهادي ) حسك عينك تقول للاستاذ اننا ضربناك .
سامح : صباح الخير يا اولاد .
الجميع : صباح النور يا استاذ .
سامح : اية الدوشة دي يا اولاد، انتوا كنتوا بتتخانقوا ولا اية يا اولاد؟
زلطة : ربنا ميجيب خناق يا استاذ سامح .
سامح : هادي ، انت اتعرفت على زمايلك الجداد ولا لأ ؟
هادي : ( وهو تعبان ) لسة يا استاذ سامح .
فلفل : احنا اتعرفنا علية وقمنا بالواجب معاه .
سامح : مالك في حاجة ؟ انت تعبان يا هادي؟
هادي : شوية .
سامح : دا يا جماعة هادي بن الاستاذ رمزي، مدير المدرسة الجديد .
الجميع : ايه ؟!
زلطة : يبقى اترفدنا ..
فلفل : انا مليش دعوة يا استاذ زلطة هو اللي ضربة .
سامح : ضربت مين يا زلطة
زلطة : مش انا لوحدي ، عصعص وفلفل معايا كمان .
سامح : ضربت مين بس قولي .
فلفل : ضرب هادي يا استاذ .
عصعص : ايوة ضربة بلحة .
زلطة : ماتصدقش يا استاذ .
سامح : وانا اللي كنت جاي علشان اوصيكم علية علشان هو لسة عامل عملية كبيرة وتعبان قوي . تعالى هنا يا هادي .
هادي : ( وهو ماسك بالمنديل بة ميكروكروم ) نعم يا استاذ سامح .
سامح : اية اللي في المنديل دا يا هادي؟
هادي : دي حاجة بسيطة يا استاذ .
سامح : ماتخبيش عليا دا باين علية دم، دا دم مش كدة؟ طب روح انت للدكتور بتاع المدرسة علشان الدم دة وتعالى بسرعة علشان نطمن عليك .
هادي : بس هم مش قصدهم يا استاذ احنا كنا بنلعب مع بعض وانا اللي اتعورت .
زلطة : ( هامسا للاخرين ) دا مرضيش يقول علينا دا جدع قوي .
عصعص : لا دا خايف مننا .
سامح : روح دلوقتي وهنشوف ها نعمل اية بسرعة .
زلطة : ( بخوف ) بص يا استاذ .
سامح : انا كنت جاي اقولكم تلعبوا معاه وتخلوا بالكم منه، اجي والاقيكم معورينة، دا صح يا اولاد ؟
فلفل : وهو ماكنش راضي يقول عليكيا زلطة انت وعصعص، انكم ضربتوة .
زلطة : ومش انت يا فلفل اللي قعدت تقولة ، انت معانا ولا مع الناس التانيين ؟
فلفل : انا كنت بهزر معاه .
زلطة : ما انا كمان كنت بهزر معاه .
سامح : اه دلوقت كل واحد بيرمي اللوم على التاني .
زلطة : احنا كنا بنلعب ضرب .
سامح : طب انا هقولكم حاجة صغيرة . نفترض ان هادي الجرح اللي في بطنة اتفتح تاني . اية كان هيبقى رايكم بقى ؟ او وانتوا بتهرجوا زي ما بتقولوا وبتلعبوا ضرب اتعور في عينة كان هيبقى اية الحل ؟
فلفل : هو كل دة علشان ابن الاستاذ رمزي ؟
سامح : طبعا لا وانتوا عارفين كدة كويس . لو هو او أي حد فيكم اتعور في عينية من لعبة الضرب كان هيبى اية الحل ممكن اعرف ؟
زلطة : كل دة من فيلم امبارح .
سامح : فيلم اية دا ؟
زلطة : فيلم المفتري الفتوة اللي بيضرب كل الناس وانا قولت اعمل زيه .
سامح : دا علشان حضرتك امبارح بدل ما تقرا في الانجيل اللي يهذب سلوكك بتتفرج على افلام بتعلمنا العنف والضرب .
عصعص : هو كل شوية يقولنا انا فتوة وينزل فينا ضرب .
سامح : طب لو انت فيه حد اجمد منك ترضى انة يضربك .
زلطة : مافيش حد اجمد مني . !
سامح : لأ كل واحد في الدنيا جامد فية اللي اجمد منة . القوي في اقوى منة . والذكي فية اذكى منة . والكبير فية اكبر منة والشاطر فية اللي اشطر منةوفوق كل دة ربنا . ها ؟ رد على سؤالي، لو فية حد اجمد منك ترضى انة يضربك ؟
زلطة : لا يا استاذ سامح مرضاش .
سامح : طب انت بتضرب اصحابك لية بقى ؟
زلطة : مش عارف . بس انا عايزهم يخافوا مني .
سامح : يخافوا منك ولا يحبوك ؟ انهي واحد افضل ، الحب ولا الخوف؟
زلطة : الحب احسن .
سامح : لما الناس تحبك تخاف عليك مش منك . عارفين يا اولاد الاسد اللي احتاج الفار .
زلطة : بقى فيه اسد يحتاج لفار برضة يا استاذ ؟
عصعص : مش ممكن ابدآ .
سامح : لأ ممكن . مرة كان فية اسد كبير قوي وكان فية صياد عاملة فخ عبارة عن شبكة كبيرة علشان يصطادة . وكان الاسد ماشي ووقع في الفخ دة وبكل قوتة دي اللي انتوا عارفينها انه يطلع من الشبكة وكان فيه فار معدي . قام الاسد قال للفار : ساعدني علشان اعرف اطلع من الشبكة . فقرض الفار الشبكة وخرج الاسد منها . يبقى الاسد احتاج للفار ولا لأ ؟
فلفل : حلوة القصة دي قوي يا استاذ سامح .
سامح : هي دي الحكاية اني مهما كنت قوي ، في الاقوى مني . ممكن الناس تخاف لكن ما تحبش، لكن لما تحب افضل بكتير من انها تخاف . ها يا زلطة ، الناس تحبك ولا تخاف منك ؟
زلطة : تحبني .. انا اسف يا عصعص .
سامح : وانت يا عصعص لو بطلت تقولة يا ابو كرش كبير . كان هو ضربك ؟
عصعص : لا يا استاذ انا لما كنت بحس انة بيفتري عليا بقوتة كنت لازم اضايقة وهو بيتضايق لما حد يقولة يا تخين علشان كدة كنت بضايقة كتير .
سامح : لكن لو انت كنت جاوبت الجواب اللين، مش كان افضل؟
عصعص : انا اتعلمت الدرس ، زي ما انا مش بحب حد يضربني، انا برضة مش هقول لحد حاجة تزعلة ، انما اسف يازلطة .
سامح : وانت يا فلفل .
فلفل : انا كنت بوقع الناس في بعض بس يا استاذ .
سامح : ودا كان يليقلك انك تتسبب في خناق الناس مع بعضها .
فلفل : انا كمان اسف يا جماعة .
الجميع : طب وهادي .



( يدخل هادي الفصل وهو احسن حالا )

زلطة : أنا أسف يا هادي أني مصدقتكش، ومش هعمل كدة تاني ابداً .
عصعص : وأنا كنت عايزك تنضرب شوية مكاني، اصلي تعبت من ضرب زلطة ليّ . فانا كمان آسف .
هادي : أنا مسامحكم لأني كنت امبارح في الكنيسة أتعلمت إن الجواب اللين يصرف الغضب أنا كنت شقي قوي وكنت بضرب وبتخانق كتير قوي لكن لما عرفت أزاي الرب يسوع كان هادي والناس مش بتسمع صوتة قررت أني أتمثل بيه وأبقى هادي زية بالظبط .
الجميع : بس المهم زلطة : ايوة
الجميع : أتعلمت يا زلطة ؟
زلطة : أتعلمت .
الجميع : فهمت يا زلطة ؟
زلطة : فهمت .
الجميع : ودرس النهاردا يازلطة ؟
زلطة : الحب احسن حاجة في الدنيا . الحب أفضل من الخوف . الناس تخاف عليا احسن كتير ماتخاف مني، ومش ممكن أنسى الأسد اللي احتاج للفار .
الجميع : حرمت يا زلطة ؟
زلطة حرمت .
الجميع : وبكرة يا فلفل ؟
فلفل : قصة جديدة وأوعى من الحرامية .
الجميع : الحب احسن من الخوف والجواب اللين يصرف الغضب والكلام الموجع يهيج السخط .

 

الموضوع الأصلي : نص مسرح عرائس جميل جداااا ( مسرحية فلفل )     -||-     المصدر : منتديات افا كاراس     -||-     الكاتب : سامح كاراس



kw lsvp uvhzs [ldg []hhhh ( lsvpdm tgtg )

ياريت كلنا نعمل شير للموضوع دة لنشره لكل اصحابك

ساهموا معنا بنشر الخدمة بارسال الموضوع لاصحابك علي الفيس بوك من هنا
عرض البوم صور سامح كاراس   رد مع اقتباس
قديم 08-05-2010, 01:48 AM   المشاركة رقم: 2
المعلومات
الكاتب:
سامح كاراس
اللقب:
رمز المجموعة:
الصورة الرمزية
 
الصورة الرمزية سامح كاراس

البيانات
التسجيل: Nov 2009
العضوية: 1
الدولة: حضن الانبا كاراس
كلمة جميلة: لا نحب بالكلام و لا باللسان بل بالعمل و الحق
المشاركات: 14,184
بمعدل : 8.09 يوميا

الإتصالات
الحالة:
سامح كاراس غير متواجد حالياً

كاتب الموضوع : سامح كاراس المنتدى : منتدي نصوص مسرحيات مسيحية
افتراضي

اتمني تكون عجبتكم

عرض البوم صور سامح كاراس   رد مع اقتباس
قديم 08-05-2010, 10:47 AM   المشاركة رقم: 3
المعلومات
الكاتب:
ام النور2010
اللقب:
رمز المجموعة:
الصورة الرمزية
 
الصورة الرمزية ام النور2010

البيانات
التسجيل: Jul 2010
العضوية: 10733
المشاركات: 37
بمعدل : 0.02 يوميا

الإتصالات
الحالة:
ام النور2010 غير متواجد حالياً

كاتب الموضوع : سامح كاراس المنتدى : منتدي نصوص مسرحيات مسيحية
افتراضي

جميل قوى بس و تقدر اسكتش مرحله ابتدائى وخصوصا3ابتدائي بمناسبه العام الدراسي الجديد بس ياريت في اسرع وقت الاسكتش ده عايزاه ممكن ميرسي ربنا يباركك ويعوض تعبك ويبارك خدمتك

عرض البوم صور ام النور2010   رد مع اقتباس
قديم 08-09-2010, 07:59 AM   المشاركة رقم: 4
المعلومات
الكاتب:
هدى
اللقب:
رمز المجموعة:
الصورة الرمزية
 
الصورة الرمزية هدى

البيانات
التسجيل: Mar 2010
العضوية: 3678
الدولة: سوهاج
كلمة جميلة: لا تفكر فى الامر كثير بل دع الامر لمن بيدة الامر
المشاركات: 1,360
بمعدل : 0.83 يوميا

الإتصالات
الحالة:
هدى غير متواجد حالياً

كاتب الموضوع : سامح كاراس المنتدى : منتدي نصوص مسرحيات مسيحية
افتراضي

ميرسي ربنا يباركك ويعوض تعبك ويبارك خدمتك

عرض البوم صور هدى   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


المواضيع المتشابهه لموضوع: نص مسرح عرائس جميل جداااا ( مسرحية فلفل )
الموضوع كاتب الموضوع المنتدى مشاركات آخر مشاركة
ابونا فلوباتير جميل وتصريح جرئ جداااا وشاهد ماذا قال عن الرئيس مرسى بخصوص تعيين نائب قبطى ؟ بنت افا كاراس ارشيف اخباري 0 08-29-2012 03:17 AM
تامل حوارى جميل جداااا مورا قلب يسوع المواضيع الروحية 0 01-04-2012 04:39 PM
جديد جدا (مسرحية خمسة فى الميزان ) لفريق مسرح كنيسة العذراء ب6 اكتوبر . Remon افـلام مسيحيـــة مجانية 1 03-23-2011 06:08 PM
الانتصار - مسرح عرائس سيفو منتدي نصوص مسرحيات مسيحية 4 05-09-2010 12:58 AM
مسرحية (مدينة بابا يسوع ) مسرحية للاطفال سيفو منتدي نصوص مسرحيات مسيحية 9 05-09-2010 12:56 AM

موقع العاب تسالي لعبة من سيربح المليون تحميل لعبة صب واي SubwaySurfers لعبة المزرعة السعيدة لعبة زوما
Preview on Feedage: %D9%85%D9%86%D8%AA%D8%AF%D9%8A%D8%A7%D8%AA-%D8%A7%D9%81%D8%A7-%D9%83%D8%A7%D8%B1%D8%A7%D8%B3 Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to Windows Live iPing-it Add to Feedage RSS Alerts Add To Fwicki

منتدى افا كاراس اول موقع للانبا كاراس على شبكة النت

RSS RSS 2.0 XML MAP

موقع مصر اون لاين || || موقع المصرى الحر

أقسام المنتدى

منتديات افا كاراس - شات مسيحي ارثوذكسي - دردشة و شات مسيحي - سماع الكتاب المقدس -ترانيم حصرية - نكت وطرائف - فديوهات طريفة - مواقف مضحكة  - مسابقات دينية - مسابقات ترفيهية -  التهانى والترحيب  - العيادة النفسية - أقلام اولاد الانبا كاراس  - كتـاب مقـدس و روحانيـات  - عهد قديم - عهد جديد - استضافة افا كاراس  - شخصيات الكتاب المقدس - تأملات روحية - قصص روحية - قداسة البابا شنودة - سؤال وجواب - قسم الكتب - الكتب الثقافية المتنوعة - تفسير الكتاب المقدس - قسم الصلاة - طلب صلاه - الكنيسة والقديسين - الكنيسة القبطية - طقوس الكنيسة - اللغة القبطية - تاريخ الكنيسة - القديسيـن والآباء - معجزات القديسين - مدائح وتماجيد - سير قديسين - آقوال أباء - منتدى الخدمة  اعداد خدمة - خدمة ابتدائي - خدمة اعدادي - خدمة ثانوي - خدمة شباب وخريجين  - قسم الكرازة المرقسية  - حياة وملامح عن الانبا كاراس - معجزات الانبا كاراس - منتدي ام النور - المالتميديا المسيحية الترانيم المسيحية - ترانيم فيديو - موسيقى ترانيم - كلمات ترانيم - ترانيم أطفال  -  شات افا مكاريوس - قداسـات - عظات - الحان - صور قديسيـن - افلام مسيحية - حكايات صوتيـة - فديوهات ومرئيات  - منتديات اولاد الانبا كاراس - ترانيم فيديو للموبايل  - نغمات موبايل - رسائل موبيل - شبابيات مسيحية - المقبلين على الزواج - كلام فى الحب - الصداقة - افتح قلبك وشاركنا همومك - الأسرة المسيحية - منتدي الاسرة  - المنتدي الطبي  - الآزياء  - هوايات وتخصصات - منتدي اللغات - الرياضه -  الاهلي - الزمالك - سياحـة - منتدى الاداب - وظائق خالية - الستلايت واخبار القنوات المسيحية  - اسئلة واجوبة البابا شنودة - عظات البابا شنودة - تاملات قداسة البابا - قسم تفسير الكتاب المقدس - خدمة الاحتياجات الخاصة - الروايات والقصص  - اخبار مسيحية  - اخبار عامة  - منتدي الشعر والخواطر - فن الشخصية - المواضيع الروحية - منتدي المارجرجس - منتدي ابونا يسطس - منتدي ابونا عبد المسيح - منتدي طماف ايريني - منتدي البابا كيرلس ومارمينا - منتدي القديسة دميانة  -  منتدي صيانة الكمبيوتر - موسوعات طبية - الشعر والخواطر العامة - الشعر والخواطر المسيحية

سياسة الخصوصية -privacy policy

منتدي الانبا كاراس السائح الموقع الرسمي

Powered by vBulletin® Version 3.8.7
Copyright ©2000 - 2012, vBulletin Solutions, Inc.
جميع الحقوق محفوظة لمنتديات افا كاراس

كل من يطلبة في صلاتة يجاب لة طلباتة طوباك يا انبا كاراس يا حبيب المسيح